موضوعنا اليوم مشترياتي البسيطة من بورجوا و ريميل و رايي فيها بعد ما جربتها
المشتريات جد قليلة بس متنوعة مش بالمستحضرات و عددهم بل بالوانهم اللي تعتبر جديدة عني
نبدا "باسم الله"
- نبدا بقلم العيون من بورجوا و اسمه :
Bourjois Metallic Eyeliner : لونه يعتبر جديد عني لانه صارلي فترة ما بحط الا النيود او الابيض و احيانا الاسود و باقي الالوان اللي عندي كلها غامقة بس هالمرة قلت بما انه جو الربيع و الصيف على الابواب خليني غير شوي و جيب الوان مش موجودة بالكوليكشن تبعي و هذا اللي صار اخترت هاللون اللي اسمه Bleu Clinquant 54و اول ما جربته خلاص ضليت اسبوع تقريبا بحط منه و انا رايحة داوم خخخ و الكل سالني عنه صراحة بنات رائع رائع رائع ما تخيلت اني حب شيء بهالسرعة خصوصا شغلة تعتبر جديدة عني و خصوصا خصوصا اني صعبة شوي مو سهل لاقي شيء هالقد يعجبني خخخ
مميزات :
- اول شيئ كريمي جدا و ناعم مو مثل بعض الاقلام اللي بتحرقلك عينك و انتي بتحطيها
- اللون جدا ثابت يعني خلال الدوام و رجعتي عالبيت شي 5 ساعات "ما قعدت فيه اكثر من هالمدة" بس طول هالخمس ساعات بيضل ثابت و ما بيسيح اطلاقا
- Pigmentedيعني لمسة واحدة بيطلع اللون واضح
- سعره تقريبا 2 او 3 دولارات
- في منه كتير الوان يعني عندك كذا اوبشن
... و ما في سلبيات خخخ
تقييمي له : 10/10
Bourjois Lévres Contour : محدد للشفاه درجته Peche Volupteuse 22 يعني خوخي و كمان لون جديد عني لانه الاسبوع اللي فات و انا عم رتب ادراجي اكتشفت اني كل مرة بجيب نفس الدرجات يا الاحمر او البينك فجبت هالدرجة اللي حبيتها كتير و القلم نفسه حلو مش احلى شيء جربته و مش كريمي و لكنه ناعم و حلو يعني مو سيء لهالدرجة بالنسبة للون كمان ثابت و بيطلع واضح من اول لمسة او استعمال
نصيحة عالسريع : اذا بدك محدد الشفايف يثبت معك لوقت طويل لوني فيه شفافك كلها يعني ما تحددي شفافك و خلاص لا استعمليه لتلوين شفافك اولا قبل ان تضعي الروج
تقييمي له : 8/10
Rimmel Lasting Finish Lipstick : غني عن التعريف طبعا و الكل بيمدح فيه و بصراحة يستحق اخترت هاللون اللي بيشوفوا ممكن يحكي انه بني بس هو مزيج بين البني و الاورنج الخفيف و البينك انما على الشفاف بيطلع كورال/بني و درجة البينك ما بتطلع الا اذا كتير دققتي النظر بالنسبة لهذا اللون تحديدا حسيته مناسب لكل الناس بدون استثناء
مميزات :
- كريمي جدا و يعطي امتلاء للشفايف
- سهل الاستعمال
- حبيت تغليفه اسود و انيق
- Pigmented بشكل مش معقول
- ثباته 4 الى 5 ساعات و هذا شيء حلو بالنسبة لسعره
- ما بيطلع خطوط
- ريحته رائعة بس ممكن تسبب لك ازعاج انت و عم تاكلي
نصيحة عالسريع : اي روج كيف ما كان حتى و ان كان مكتوب عليه كريمي الخ ... رطبي شفافك قبل ما تحطيه و قشريها كمان كنوع من العناية لسهولة التوزيع و لتفادي ظهور الخطوط
تقييمي له : 9/10
Rimmel Apocalips : مزيج بين الروج و الجلوص يعني يعطيكي امتلاء الجلوص و قوة لون الروج - تقيل شوي يعني مثل كريم ملون بتحطيه على شفافك للاسف ما لقيت الا هاللونين حلوين كتير بامانة حبيت حبيت حبيت ناعمين و كريمي جدا جدا جدا و ثباتهم رائع كبراند من الدرج ستور 3 الى 4 ساعات حتى مع الاكل ما بينمحى بسهولة و الالوان واضحة جدا
اللون على اليمين اسمه : Luna و هو لون خوخي اول ما شفته قلت رح اخذه و يا تصيب يا تخيب لانه اللون شوي شاحب و ما حسيته غني بالعكس باهت و غريب و المفاجاة كانت لما حطيته طلع رائع رائع رائع و غالبا بحطه بعد روج ريميل نقطتين فقط و بطبطب باصبعي و بمرره على شفافي بيطلع بيرفيكت
الشيء اللي مش حلو فيه انه بينشف شوي الشفايف بس مش بطريقة مبالغ فيها يعني شوي بس
اللي على اليسار : Stellar مزيج من الاحمر اللامع و Neon Coral-Pink رائع كمان بيعطي امتلاء للشفاه + اللون ريتش بس يستحسن و انتوا بتحطوه ما تطلعوا كمية كبيرة و الا ما حيتوزع بالطريقة الصحيحة + هاللون ما نشفلي شفافي بالمرة عكس الاول نشفه انما شوي بس مثل ما حكيت
تقييمي : 9/10
السواتشز :
محدد العيون - محدد الشفاه - روج - Lip Lacquers
اخيرا عندنا Volume Glamour Max Defenition Mascara من بورجوا طبعا شفتوا الفرشاة طويلة و شعيراتها رقيقة و متفرقة الشيء اللي بيساعد رموشك تلقائيا تتفرق و ما تتلزق
مميزات :
- شكلها كيوت
- سواد رائع
- بتطول بتطول بتطول حقيقة يعني اللي بتحتاج او بتدور على الطول رح تحبها و تنفعها انما اذا كنت بتدوري عالكثافة فللاسف ما بتكثف
عيوبها :
- استعملي مزيل مكياج على شكل ماء او زيت لانها ما بتنشال بسهولة
- اذا حطيتي اكثر من طبقة بتلزق الرموش و بتتكتل فلازم تاخذي حذرك يعني و انت عم تحطيها جيبي فرشاة الرموش و مشطي رموشك لمنع التكتل
- بتطلع كتير ليكويد بطريقة مو متوازنة الشيء اللي يخلي الرموش كلها تتلزق ببعضها فدايما لما تطلعي الفرشاة مو دغري على رموشك لا خففي شوي من هالليكويد الزائد اللي بيطلع و ابدئي بتطبيقها
تقييمي لها : 7/10
شكرا على المتابعة و الله يوفقنا جميعا بما انه الامتحانات قربت
No comments:
Post a Comment