Empties | منتجات خلصتها

بونسوار صبايا كيف الحال؟

اليوم ان شاء الله غادي يكون البوست عن المنتجات اللي خلصتها من فترة و رايي فيها و هل رح ارجع اشتريها  

في منتجات سبق و تكلمت عنها في المدونة و اخرى لا 

❤️ ان شاء الله يعجبكم و اذا حبيتوا كل فترة انزل بوست مشابه اكتبولي بالتعليقات و انا جاهزة ❤️

عن نفسي بحب هالنوع من البوستس ليش لانها حقيقية اكثر و تختصر كل شيء كيف؟ يعني كمثال لما المدونة بتنزل بوست عن مفضلاتها الشهرية بتكون فعلا حابه هالمنتجات لكن حبتها بهاداك الشهر لكن لما بتخلصها بتصير تفكر هل رح ارجع اشتريه او لا  طيب هذا منتج حلو و جميل و كل شيء بس خليني اجرب شيء ثاني ممكن يطلع في الاحسن منه و هذا اكيد رح ارجع اشتريه لليوم ما لقيت مثله فبتنزل موضوع "منتجات  خلصتها" و بتكون مشاعرها ناحية المنتج صادقة اكثر مو معنى كلامي انه ما بتكون صادقة وقت اللي بتحكي عن مفضلاتها الشهرية لكن ما بتكون جربت غيرها بهذاك الشهر لهالسبب حبتها لكن لما بتجرب كذا شيء سوا بتقدر تقرر اي منتج احسن و اي واحد فعال و تاخذ قرار اي واحد

New | Bourjois Rouge Edition Velvet 09 Happy Nude Year

بونسوار صبايا كيف الحال؟

"اليوم بموضوع الاسبوع "المراجعة الاسبوعية 

  Edition Velvet رح اتكلم عن لون جديد من مجموعة ارواج بورجوا السائلة 

  اللي نزل من اسابيع قليلة فقط و انتجته الشركة خصيصا للكريسمس 2014

مع مجموعة كاملة تتضمن ماسكارا و اي لاينر و اثنين شادوهات كريمية و 2 طلاء اظافر 

كوليكشن الكريسمس 2014 

كان بودي نجرب الكوليكشن كلها و لكن ما نزل عندنا الا الروج في الوقت الحالي 

Happy Nude Year اسم الدرجة الجديدة   

طبعا اسمه اول شيء شدني جدا حلو و جديد و ذكي 

: المنتج بيوعدنا ب 

النهاية المطفية - 

شفايف مرطبة كون احد الزيوت يدخل بتركيبته ما انذكر اسم الزيت للاسف -

 اللون الواضح الغني من اول طبقة   -

ثبات لمدة 24 ساعة - 

 الصورة توضح شكل المنتج و حجمه و اللي هو 6.7 مل  

 و الفرشاة او الابليكيتر و اللون 

Your Skin Care Guide | دليل العناية ببشرتك

بونسوار صبايا كيف الحال؟

 اليوم رح نحكي عن موضوع مهم و انطلب مني كتير من الناس اللي بتثق بمواضيعي و برايي و هو كيفية العناية بالبشرة

 اول شيء بدي اذكرك بكم نقط مهمة لازم تعرفيها قبل ما نفوت صوب الموضوع 

العناية لا تقتصر فقط على الكريمات و المنظفات و الماسكات اذا كان فهمك هاي هي العناية الصحيحة بالبشرة بحب اقلك انه فهمك غلط و لازم  تصححيه اول شيء لازم تلتزمي بنظام غذاءي صحي و تاكلي الماكولات الغنية بالفيتامينات مثل السمك - الخضار - الفواكه - العصاير 

و تشربي طبعا ماء من 5 الى 8 اكواب يوميا ممكن تخافي من الرقم و تقولي طيب كيف رح الحق اشرب 8 اكواب عادي جدا اول ما تصحي اشربي كوبين و خذي معك دايما قارورة ماء متوسطة الحجم على دوامك او شغلك و بدون ما تحسي حتلاقي نفسك خلصتيها و هيك بتكوني شربتي كوبين ثلاثة بدون ما تشعري نفس الشيء اذا كنتي بتمارسي الرياضة كل 15 دقيقة اشربي شوي الى ان تخلصيها بترجعي عالبيت بتشربي بعد الغذاء بنص ساعة سادس كوب ساعة العصر اشربي سابع كوب و ساعة المغرب اشربي ثامن كوب

 ملاحظة :  حاولي بعد الساعة 8 ما تشربي شيء و الا حيصير معك اضطراب بالنوم + انتفاخ تحت العين

Weekly Best & Worst #3

بونسوار صبايا كيف الحال؟

  و رجعنا مع ثالث اسبوع من المراجعة الاسبوعية و لو انه اتاخرت شوي لانزل البوست  بحكم الشتاء و الجو اللي ما ساعدني في التصوير فكنت مضطرة استنى 
الجو يتحسن و يصير مشمس لحتى الصور تطلع اوضح 

 بالنسبة لمتابعاتي الجدد اللي ما بيعرفوا موضوع البوست عبارة عن شو هو بوست بنزله تقريبا كل اسبوع اسبوعين بحكي فيه عن بعض المنتجات اللي حبيتها و ما حبيتها  حسب كمية الاشياء اللي جربتها خلال شهر اذا جربت كتير منتجات فبدل ما اكتب موضوع مفضلاتي الشهرية بقسم المنتجات و باخذ بس 4 منتج بالاسبوع و بحكي عنه بطريقة مفصلة اذا جربت قليل رح اختصرها بموضوع واحد و اللي هو مفضلاتي الشهرية 



منها لحتى ما اغيب فترات طويلة عن المدونة 

و منها لحتى ما تملوا لانه اذا حكيت بطريقة مفصلة عن 15 منتج جربته بالشهر اكيد اكيد اكيد حتحسوا بملل فظيع بعكس اذا اخذت بس 4 منتجات  و عملت عليها ريفيو مفصل ليش حبيته و ليش ما حبيته حيكون موضوع مفيد و خفيف سريع بنفس الوقت 
و منها للتغيير بما انكم تعودتوا من الكل على بوست المفضلات الشهرية فحبيت شوي اطلع من المواضيع المشابهة و اعمل شيء يميزني 



 : رح نحكي اليوم عن 4 منتجات من مختلف الاقسام  و اللي هي 

Make-up For Beginners Part #3 | مكياج للمبتدئات

بونسوار صبايا كيف الحال؟

اخيرا وصلنا للجزء الثالث و الاخير من موضوع مكياج للمبتدئات 

اللي رح يتضمن كل منتج يتعلق بالشفايف 

اول شيء لازم تعرفيه تقشير الشفاه و ترطيبها قبل ما تحطي عليها اي منتج مهم و بيساعد على بقاءه لفترات طويلة

اذا بدك مقشر جاهز في من الف جدا حلو و انصح فيه 

و اذا حابة تصنعيه بنفسك بالبيت ما رح تحتاجي الا : 

1 - زيت الزيتون و ملعقتين صغار من السكر 

2 - العسل مع ملعقتين من السكر و اذا شفافك لونها غامق اضيفي على المكونات نقطتين ثلاث من الليمون 

3 - فازلين + جوز الهند مع ملعقتين من السكر 

Make-up For Beginners Part #2 | مكياج للمبتدئات

بونسوار صبايا كيف الحال ؟

 اسفة تاخرت بتنزيل الجزء الثاني للموضوع لاني حبيت اول شي الجزء الاول ياخذ حقه كما ان الدراسة بدات مثل ما بتعرفوا سو ما تواخذوني

بتمنى تكونوا حبيتوا الجزء الاول و استفدتوا منه 

هالجزء رح يتضمن كل ما يخص مكياج العين شو رح تحتاجي يا بايامك العادية يا بالسهرات و حتى اللي ما رح تحتاجيه كتير رح اكتب عنه لحتى اذا شي مرة حبيتوا تغيروا او اذا كان في عندكم تساؤل معين تلاقوا جوابه بهالبوست و كمان في بنات بتحب المكياج و بتحب تعرف انواعه و اشكاله فاعتقد اذا كنتي من هالبنات حتحبي الموضوع 

Weekly Best & Worst #2

بونسوار صبايا كيف الحال؟

اسبوع ثاني مع مفضلات جديدة و اشياء اخرى ما حبيتها مثل ما شرحتلكم بالاسبوع اللي فات 
كل اسبوع رح انزل مجموعة صغيرة مكونة من 4 الى 5 منتجات فقط رح احكي عنها بالتفصيل سواء حبيتها او ما حبيتها 
من ماركات و اقسام مختلفة بس هالاسبوع ما في كتير تنوع بالاقسام 
في 4 منتجات من قسم المكياج و منتج من قسم العناية بالبشرة

Weekly Best & Worst #1

بونسوار صبايا كيف الحال ؟

قبل ما افوت بالموضوع رح احكيلكم شوي عن الفكرة اللي ما تختلف كتير عن المفضلات الشهرية لكن انا حبيت خليها اسبوعية 

ليش؟ لانه في اشهر بجرب فيها كتير اشياء فما ينفع احكي عن 15 منتج بالتفصيل ببوست واحد و انتوا بتعرفوا اني بطول بالحكي كتير لاني بحب احكي بالتفاصيل لحتى يكون شرحي واضح سو بوست واحد = 15 او 20 منتج = ريفيو عن كل منتج = سواتشز حيكون الموضوع اوفر و حيجيبلكم الملل و ما حتركزوا كتير من كثرة المنتجات فقررت كل اسبوع انزل 5 او 6 منتج من مختلف الاقسام يعني "العناية بالبشرة - بالشعر - بالجسم - مكياج - اظافر او اكسسوارات او كتاب او اي شيء حبيته و استخدمته كتير" 

و لحتى يكون الموضوع مفيد و متنوع اكثر رح اضيف منتجات ما حبيتها لحتى ما يكون الموضوع كله ياي هذا حلو ياي لازم تجربوه لا كمان دوري احذركم من شراء بعض المنتجات اللي ما نفعتني و ما حبيتها و احكيلكم عن تجربتي معها 

Make-up For Beginners | مكياج للمبتدئات

بونسوار صبايا كيف الحال؟

اليوم موضوعي موجه للمبتدئات بعالم المكياج هالموضوع انطلب مني كتير بالفترات الماضية فقررت اكتب عنه اخيرا لاني شفت حماس بكتير بنات و حسيت قد ايش حابين يعرفوا كل شي بخصوص المكياج و قد ايش صار بدهم يهتموا بنفسهم و يعتنوا بجمالهم فاقل شيء اقدمه لهم هو هالموضوع اللي رح احكي فيه عن كل شيء بيخص المكياج مع الصور و التعريف بكل منتج لشو بنحتاجه و طريقة استعماله و رح حاول رشحلكم كم منتج حلو من الدرجستور ليش من الدرجستور؟ 

لانه اسعارها حلوة و بسيطة و تنفع لك كمبتدئة و فيكي تاخذي كتير الوان و درجات مع الوقت و تجربي من هون و من هون و بنفس الوقت جودتها عالية - حطي ببالك انه مش كل شيء غالي حلو و مش كل شغلة سعرها بسيط بشعة 

يعني ما لازم نكون سطحيين و نظلم ماركات و منتجات ممكن تكون احسن من كذا منتج من الهاي اند 

فاهم شي عندنا هلا مش مكياجنا من وين و كام سعره لا بدنا مكياجنا جودته تكون عالية و نتعلم شوي شوي طريقة توزيعه لحتى يطلع انيق و مرتب و اهم شيء نختار المنتجات الصحيحة و المناسبة لنا لانه 3 شغلات بتكمل بعضها بعالم المكياج - الايد و جودة المنتجات و اختيار المنتجات المناسبة - بمعني اذا في عندك منتجات جودتها عالية "غالية او مش غالية" و طريقة توزيعها غلط و مختارة اشياء غلط ما الها علاقة بطبيعة بشرتك او لونك ما في اي جمال ولا اناقة ولا حدا اصلا حيكون مهتم يعرف كمية المنتجات الغالية اللي حاطتيها بوجهك بس اذا اخترتي المنتج المناسب لطبيعة بشرتك و لونك من ماركة جودتها حلوة و سعرها بسيط و صرتي تشوفي فيديوهات و تطبقي اللي شفتيه على وجهك و على وجوه اخواتك الى ان تتعودي و تصيري تمام كل شي حيطلع بيرفيكت و محترف و هيدا اللي بدنا نوصله من خلال هالموضوع اللي حيتضمن اسماء المنتجات و كيف نوزعها و مين بتحتاجها و المناسب لكل بشرة و انتم عليكم تفوتوا عاليوتيوب و تتفرجوا على كام مقطع و تطبقوه عليكم

الموضوع حيكون طويل لهذا قسمته ل 3 اجزاء و هذا الجزء كل شيء رح احكي عنه فيه حيكون عن مكياج الوجه و الاجزاء الاخرى رح تتضمن كل شيء بيخص مكياج الوجه و الشفاه

Get The Perfect Eyebrows

بونسوار صبايا كيف الحال؟

 رمضان خلص بسرعة للاسف الله يتقبل منا و منكم صالح الاعمال و اجا العيد كل سنة و انتم بخير و بفرح و ان شاء الله تكون ايامكم دايما عيد

 نزلت البوست بالوقت الغلط يمكن باجواء العيد بس اول ما تفضوا اكيد رح تقروا الموضوع و تعطوني رايكم فيه و اللي مبين من عنوانه "الحواجب"  اللي بالنسبة الي عبارة عن كريم اساس لملامح الوجه يعني محور الوجه و ملامحه اذا عدلتيها بالطريقة الصحيحة و المناسبة لشكل وجهك و اخترتي لونها المناسب ترسميها و تملئي فراغاتها فيه فيكي تستغني عن كل المنتجات الاخرى لانك ما رح تكوني بحاجة الها و البنت اللي ما بتهتم بجانب الحواجب و تلوينها دايما ما بتلاقي وجهها تعبان او شاحب او ناقصه شيء حتى لو حطت طبقات من المكياج بتضل الحواجب الشيء اللي بيعطيكي اشراقة و الشيء اللي بيلعب دور كبير في تحديد شكل وجهك و ابراز ملفت لملامحه و خصوصا "العيون" و ما بين مية شكل و كل سنة موضة شكل دائما اختاري ما يناسبك و ما يناسب شكل وجهك و اعيد و اكرر اختاري ما يناسبك انسي الموضة لانه اذا رحتي وراء الموضة رح تخربيها على حالك كيف واحدة بتدرس تصميم الازياء و مهتمة بادق تفاصيل الموضة بتحكي هيك؟  بس العقل زينة و مش كل شيء طلع موضة نطبقه علينا و الا رح نوقع بالغلط لانه الموضة بتتغير يعني كل سنة شي جديد مرة بيطلع شيء انيق و مرة شيء مجنون و مشوه حرفيا و الصور توضح "طبعا اقصد بكلامي الموضة بصفة عامة و موضة الحواجب بصفة خاصة بما انه موضوعنا"

Summer Beauty Essentials | اساسيات الصيف

بونسوار صبايا كيف الحال؟

اول شيء رمضان مبارك و كل سنة و انتم بخير ادعو الله ان يتقبل منا و منكم صيامنا و عبادتنا و ان يعيننا على صيامه و قيامه بالوجه الذي يرضيه عنا سبحانه

احلى شيء الصورة و الدعاء اللي قبلها خخخ ماشيين مع بعض قال يعني 

بس ما لقيت صورة بتعبر شوي عن موضوعنا اليوم غيرها 

و الموضوع هو "اساسيات الصيف" يعني كل منتج رح تحتاجيه بالصيف ان شاء الله رح حاول احكي عنه و ادلك عليه 

Moroccan Hammam | الحمام المغربي

بونسوار صبايا كيف الحال؟

اليوم موضوعنا حيكون عن الحمام المغربي و طريقته الصحيحة  

 السبب اللي خلاني اكتب عن هالموضوع اولا كثرة الاسئلة عنه و كثرة الاجوبة الغلط عنه الشيء اللي استفزني كتير صراحة خصوصا بعد ما شفت بنات مصدقة بعض المعلومات الغير صحيحة و بتتبع طرق غلط كليا بسبب ناس ما عندها ضمير غرضها بس تزيد عدد المتابعات او يمكن لانه هالناس نفسها اخذت معلومات غلط من ناس اخرى و انتشرت العدوى خخخ 

Bourjois & Rimmel Mini Haul | Review & Swatches.

بونسوار صبايا كيف الحال؟

موضوعنا اليوم مشترياتي البسيطة من بورجوا و ريميل و رايي فيها بعد ما جربتها 

 المشتريات جد قليلة بس متنوعة مش بالمستحضرات و عددهم بل بالوانهم اللي تعتبر جديدة عني 

نبدا "باسم الله" 

 - نبدا بقلم العيون من بورجوا و اسمه : 

Bourjois Metallic Eyeliner : لونه يعتبر جديد عني لانه صارلي فترة ما بحط الا النيود او الابيض و احيانا الاسود و باقي الالوان اللي عندي كلها غامقة بس هالمرة قلت بما انه جو الربيع و الصيف على الابواب خليني غير شوي و جيب الوان مش موجودة بالكوليكشن تبعي

Ways To Use Johnson's Baby Collection | طرق استعمال مجموعة جونسون للاطفال

بونسوار صبايا كيف الحال؟

اليوم رح اشارككم مجموعة من الطرق حول كيفية استعمال مجموعة جونسون للاطفال في حياتنا اليومية كل مرة كنت اكتشف شيء جديد بهالمجموعة لدرجة اني قلت انه كان لازم يخصصوها لالنا نحنا مش للاطفال بما انه نحنا اللي ممكن نستغلها اكثر خخخ

يمكن بعض الطرق صرتوا تعرفوها خلاص و يمكن موضوعي مش جديد 100% بس مع ذلك حبيت اشارككم فيه يمكن تلاقوا معلومة جديدة تحبوا انكم تجربوها 

 ان شاء الله الموضوع يعجبكم و نبدا بسم الله المجموعة مكونة من "بودرة - زيت - لوشن - شامبو"

 رح نبدا مع الزيت :

 الزيت معروف انه معمول لدلك جسم الطفل بس تعالوا نشوف كيف نحنا كصبايا حنتسفيد منه

Klorane Gentle Shampoo With Oat milk | Review

بونسوار صبايا كيف الحال؟   

اليوم موضوعنا حيكون ريفيو عن شامبو كلوران 

نبدا "بسم الله"

 ملاحظة : عندي كتير حكي مهم عنه حاولي ما تتجاهليه لانه بيهمك 

 - كلوران شركة طبية فرنسية غنية عن التعريف اكيد و الها شعبية كبيرة باوربا و هالشركة الي قصة حلوة معها بحيث اني كنت بستعمل شامبوهاتهم ايام كان عمري 7 - 10 و 12 و امي طبعا ساعتها اللي كانت تختار اي شيء يتعلق بي فانا مرة قلتلها ما عاد بدي مو حلو و من الصيدلية كاني مريضة خخخ و انا خلاص كبرت "قال يعني" قالتلي ليش شو بدك انتي ما في احلى من كلوران قلتلها بدي بانتين او سانسيلك "طبعا ساعتها عرفت هالاسمين من الاعلانات و البنات الحلوة و الشعر الطويل" و انا بنت صغيرة ما بفهم بهالقصص فكنت كتير منبهرة بهيك اعلانات و ضليت جرب و جرب و جرب و عدت سنييين و رجعت هلا لحبيبي كلوران و رجعت لكلام امي حبيبتي 

شامبو مناسب لكل الناس عموما و لصاحبات الشعر العادي على دهني خصوصا و مكتوب كمان انه ينفع لكل الافراد  

 مناسب للاستعمالات المتكررة او اليومية لانه في عندهم مجموعة من الشامبوهات مش للاستعمال المتكرر يعني مرة بالاسبوع مثلا فقط مثل كانه دواء بيعالجلك شغلة بشعرك او بيضيف شغلة لشعرك في منه حجمين الصغير 200ml و الكبير 400ml اللي عندي صغير لاني حبيت اخذ فكرة هل رح يناسبني يا اما لا

اللي حبيت فيه نشفلي شوي شعري من الجذور لا تستغربوا من شغلة حبيته لانه نشفلي شعري

Ysl Rouge Volupté #7 | Review & Swatch.

بونسوار صبايا كيف الحال؟

اليوم موضوعنا حيكون ريفيو عن روج ايف سان لوران و هو اول روج الي من هالماركة الرائعة ولا مرة خطر على بالي جيب شغلة من هالماركة لانه اسعارها مبالغ فيها فدائما ما بتعب حالي بالدخول لمحلاتهم طالما مش قد اسعارهم و كمان لاني ضعيفة قدام اي شيء حلو فبخاف يعجبني شيء و ما اقدر اشتريه خخخ

 فكان عندي فراغ من يومين قلت يلا ما رح اخسر شيء خليني شوف شو في جوا و رح امسك نفسي اذا عجبني شيء خخخ جربت كذا شغلة و الصراحة الاشياء اللي جربتها ما كتير مثيرة للاهتمام يعني مجرد منظر انيق ذهبي يجذب الانظار و اسعار مبالغ فيها بتجذب بعض الناس اللي بيفكروا بطريقة سلبية و خاطئة " و هي قد ما كان السعر غالي المنتج خيال" 

طبعا ما بقصد الماركة كلها لانه اكيد ما جربت كل شيء لحتى احكم

 الشغلات الوحيدة اللي حبيتها كتير بعد ما جربتها "الارواج و الكونسيلر" و سمعت مدح على الاي لاينر و الماسكارا 

 

 مع ان ايف سان لوران و غيرها من الماركات الغالية اسعارها مبالغ فيها و غالية مش دايما لجودة المنتج ابدا
 اكيد كلنا تقريبا اشترينا منتجات غالية و لما عملنا مقارنة بينها و بين منتجات اخرى من الدرج ستور ما لقينا اختلاف كبير او بيطلع اللي من الدرج ستور احلى و يكمن سر الاسعار الغالية و الخيالية في :