Make-up For Beginners Part #3 | مكياج للمبتدئات

بونسوار صبايا كيف الحال؟

اخيرا وصلنا للجزء الثالث و الاخير من موضوع مكياج للمبتدئات 

اللي رح يتضمن كل منتج يتعلق بالشفايف 

اول شيء لازم تعرفيه تقشير الشفاه و ترطيبها قبل ما تحطي عليها اي منتج مهم و بيساعد على بقاءه لفترات طويلة

اذا بدك مقشر جاهز في من الف جدا حلو و انصح فيه 

و اذا حابة تصنعيه بنفسك بالبيت ما رح تحتاجي الا : 

1 - زيت الزيتون و ملعقتين صغار من السكر 

2 - العسل مع ملعقتين من السكر و اذا شفافك لونها غامق اضيفي على المكونات نقطتين ثلاث من الليمون 

3 - فازلين + جوز الهند مع ملعقتين من السكر 

بتمزجي الكل سوا و بتحطي كمية منيحة على شفافك و بتستعملي فرشاة اسنان جديدة خصصيها لتقشير شفايفك 

بالنسبة لترطيب شفافك استعملي لابيلو او مرطبات نيفيا او اكتفي باستعمال فازلين رائع و مرطب عميق 

مش ضروري تتبعي هالخطوات بس قبل المكياج 

الترطيب لازم يكون مستمر و حطي بشنطتك المرطب الخاص فيكي و وزعي منه بكل فترة و الثانية 

و التقشير 3 مرات بالاسبوع 

ننتقل عالسريع على الاشياء اللي رح تحتاجيها 

اقلام و محددات الشفايف : 

طبعا بتعرفي كيفية استعمالها بتحددي بيها شفايفك و كمان بتلونيها فيها 

في من نيكس و الف و ايسنس  ... 

و اللي بالصورة محددات الشفايف من نيكس جدا حلوة و الوانها كتيرة و متعددة و ثباتها ممتاز 

ليب ستيك = الروج 

كمان بتعرفي طريقة استعماله عادي جدا بتممريه على شفافك فقط لا اكثر 

اذا شفافك صغيرة استعملي فرشاة الشفايف و لوني شفافك باحلى الالوان اللي لازم تختاريها حسب لون بشرتك و ثيابك 

طبعا التركيبات تختلف من روج لاخر في الارواج المطفية و في اللي بتيجي فيها شوية لمعة

 و في اللي ملمسها حريري و ناعم و في اللي قوامه جلوصي نوعا ما يعني بيعطيكي امتلاء و لون غني بنفس الوقت و اخيرا القوام الكريمي بيعطيكي لون و بيرطب شفافك بنفس الوقت 

ارواج الدرجستور تقريبا كلها حلوة من بينها : 

ارواج ميبيلين

ارواج ريفلون

ارواج ريميل

في طبعا من نيكس و ايسنس و الف و سليك و ميلاني .... 

كلها اسعارها حلوة و مناسبة 

الارواج السائلة :

ارواج قوامها سائل مثل اسمها في اللي نهايتها بتكون مطفية مثل بورجوا 

شوفي بالصورة السواتش لحتى الفكرة توصلك اوضح و تفهمي قصدي اكثر

و في اللي قوامها سائل و نهايتها جلوصي نوعا ما مثل ارواج ريفلون 

الارواج ذات القوام الكريمي :

ما يحتاج اشرح مبين من اسمها ارواج قوامها كريمي يعني بتشبه السائلة بس على اثقل شوي 

النوع الرائع اللي الكل بيحبه من نيكس 

ثبات ممتاز + درجات مختلفة و عديدة + سعر جميل 

  

السواتشز :

 : Lipgloss  

كلنا بنعرفه طبعا يستعمل يا اما لحاله يا اما كاضافة او لمسة اخيرة  لابراز اللون او لاعطاء الشفايف لون لميع و امتلاء حلو 

في من كذا ماركة بس جلوصات نيكس  عموما حلوة و الاحلى ما فيها انها ما بتلزق بطريقة مزعجة 

: Chubby Stick 

مثل ما واضح بالصورة شكل هالنوع عبارة عن ستيك 

و هو عبارة عن مرطب ملون للشفايف سهل الاستعمال و مناسب للناس اللي شفايفها شفافة 

في من ريفلون و جوردانا ... 

 : Lip Butter 

نفس الفكرة مرطبات معالجة للشفايف الجافة بنفس الوقت مزودة بالوان طبيعية حلوة تنفع للاستخدام الصباحي 

من ريفلون كمان احلى نوع من الدرجستور 

 مثل ما شايفة لا يمكن تتوهي بماركات الدرجستور فيما يخص منتجات الشفايف 

اللي تتميز بالجودة العالية و تعدد الالوان و ثبات ممتاز 

هذا كل شيء ممكن تحتاجيه لتخلي شفايفك ناعمة و جميلة 

بيبقى بس تعرفي كيف تختاري الوان الارواج المناسبة حسب لون بشرتك

 و هالجدول بيوضحلك هالشيء :

و خلصنا اخيرا بتمنى تكوني حبيتي الموضوع و استفدتي شوي منه 

شكرا دائما على متابعتكم و تشجيعكم الي بدون اي مقابل 

و شكرا على تفاعلكم هيدا اللي بيخليني استمر و احس اني بعمل شيء حلو 

شكرا من القلب  ❤️

دمتن في رعاية الله :)