Empties | منتجات خلصتها

بونسوار صبايا كيف الحال؟

اليوم ان شاء الله غادي يكون البوست عن المنتجات اللي خلصتها من فترة و رايي فيها و هل رح ارجع اشتريها  

في منتجات سبق و تكلمت عنها في المدونة و اخرى لا 

❤️ ان شاء الله يعجبكم و اذا حبيتوا كل فترة انزل بوست مشابه اكتبولي بالتعليقات و انا جاهزة ❤️

عن نفسي بحب هالنوع من البوستس ليش لانها حقيقية اكثر و تختصر كل شيء كيف؟ يعني كمثال لما المدونة بتنزل بوست عن مفضلاتها الشهرية بتكون فعلا حابه هالمنتجات لكن حبتها بهاداك الشهر لكن لما بتخلصها بتصير تفكر هل رح ارجع اشتريه او لا  طيب هذا منتج حلو و جميل و كل شيء بس خليني اجرب شيء ثاني ممكن يطلع في الاحسن منه و هذا اكيد رح ارجع اشتريه لليوم ما لقيت مثله فبتنزل موضوع "منتجات  خلصتها" و بتكون مشاعرها ناحية المنتج صادقة اكثر مو معنى كلامي انه ما بتكون صادقة وقت اللي بتحكي عن مفضلاتها الشهرية لكن ما بتكون جربت غيرها بهذاك الشهر لهالسبب حبتها لكن لما بتجرب كذا شيء سوا بتقدر تقرر اي منتج احسن و اي واحد فعال و تاخذ قرار اي واحد
رح ترجع تشتريه من كثر ما حابته و اي واحد عادي ما بيستاهل و اي واحد و لا ممكن ترجع تشتريه لانه ما ناسبها 






نتنمى تكونوا فهمتوا قصدي و نبدا بسم الله مع المكياج 

كحل استي لودر 

اكلته مش بس خلصته خخ روعة روعة حقيقة من احسن الاكحال اللي جربتها سواده فاحم +  ثبات + و ما بيسيح كتير شوية بس لكن عادي كنحط البودرة تحت الخط مباشرة و بهالطريقة بتساعدي كحلك يدوم و يثبت بدون ما يسيح + كريمي جدا و ما بيحرق مناسب حتى للعيون الحساسة
 بتقدري تستعمليه كمان كاي شادو يعني لما كنت احب نعمل مكياج دخاني كنت ارسم خط و بالفرشاة نفسها اللي كتكون معاه 
مثل ما شايفين بالصورة كنخليه سموكي 

طبعا رح ارجع اشتريه فيه كل المميزات اللي كنفتش عليها في الاكحال و المحددات و بنفس الوقت حابة نجرب شيء اخر ممكن يكون في اله بديل ارخص لسه  ما جربته يعني رح اجرب شيء ثاني و رح ارجع اشتريه لانه لازم يكون موجود عندي بالكوليكشن 

فاونديشن كلينيك سوبر بالنسد 

 كنت اخترت الدرجة الغلط اذا بتتذكروا لانه اضاءة المحل كانت غريبة ما ساعدتني هذا ان درجتك بهذا الاساس بالذات صعب تلاقيها بسهولة للاسف وقعت بهالمشكلة فاعطيته لامي و ناسبها لما كانت بشرتها مختلطة حابته كتير وقتها و فعلا بيوازن البشرة و بيمتص الدهون الزايدة بمعنى مناسب للبشرات المختلطة و الدهنية فقط نهايته طبيعية ماشي مطفية ابدا مثل ما بعض البنات قالت من عيوبه ما بيجي معه ضغاط + درجاته حسيتها غلط يعني الصورة مثل ما شايفين واضح كتير اللون مناسب للبشرات البيضاء الصفراء انما برابط الشركة كاتبين ان الدرجة وردية 

 المهم امي حابته و انا حبيته عليها بس ما رح ترجع تشتريه حاليا لان بشرتها جافة + حابة تجرب شيء ثاني ممكن يناسبها اكثر
 لكن اذا فكرت ترجع تشتريه رح اخذلها درجة افتح

جل لاينر ميبيلين 

 الكل تقريبا بيعرفه و بيحبه و هو يعتبر بديل ارخص لكذا جل لاينر من ماركات اخرى غالية خصوصا جل لاينر بوبي براون
سواد و ثبات + لونه ما بيخف + سعره جميل + ممكن تستعمليه لحواجبك كمان امزجيه مع جل بني حتطلع حواجبك روعة روعة
عيبه الوحيد انه بيجف بسرعة و لهذا السبب قررت اتخلص منه لاني ما بستعمله كتير الا بالمناسبات الكبيرة 
فجف بسرعة بدون ما استفيد كتير منه فلهذا رح اتخلص منه لكن بعدين بموسم الحفلات و الاعراس و المناسبات 
رح ارجع اشتريه اكيد 

 هالمشكلة كتير بنات حكوا عنها و في ناس قالت انه ابدا ما بيجف فشكيت الصراحة 
هل اللي عندي يختلف عن اللي شكله بالصورة التالية
اللي عندها اي فكرة عن الموضوع تفيدني 

مصحح بوبي براون : تكلمت عنه هنا

ثابت لكن رغم ثباته ما بيناسب الاجواء الساخنة و الحارة لان قوامه كريمي جدا فبالتالي بيسيح للاسف يعني انصح فيه بالخريف و الشتاء و الاجواء المعتدلة فقط + ما بيخطط + بيعطي نظرة حلوة للعين + بيخفف من الانتفاخ و الهالات الخفيفة اذا هالاتك واضحة استعملي اللون الاورنج لتوحيد و تصحيح لونها ثم استعملي لون قريب من لونك او افتح منه بدرجة واحدة ككونسيلر 
هذا المنتج يعتبر من مفضلاتي الدائمة اذا اكيد رح ارجع اشتريه بدون شك

ماسكارا فوليوم جلامور ماكس ديفينيشن من بورجوا 

ماسكارا جميلة جدا + سواد معقول + بتطول كتبر خصوصا اذا كانت رموشك في الاصل طويلة او متوسطة الطول + شكلها جميل + بالنسبة للكثافة مو كثير بتطول اكثر ما بتكثف 
عيبها صعب تنمسح بسهولة مع انه مش مكتوب عليها واتر بروف + اذا كنتي مستعجلة ما رح تقدري تتحكمي فيها و بالفرشاة و حتخبصي الامور 
يعني لازم تنتبهي انتي و عم تستعمليها 

ما رح ارجع اشتريها لاني عاشقة للماسكارات كمان الماسكارا المنتج الوحيد تقريبا اللي شهريا بينزل من عدة ماركات جديد 
فحابة نجرب شيء جديد 






منتجات البشرة 

مزيل مكياج نيفيا دابل اكشن اللي غيروا اسمه حاليا الى دابل ايفيكت كمعلومة 

قوامه زيتي مائي + جميل و بيشيل المكياج بسرعة و بسهولة و خصوصا الماسكارا + لطيف على البشرة + ما بيحرق العين + مناسب لجميع انواع البشرة
 لكنه غير كافي للمكياج الواتر بروف + ما بيطول معك حجمه صغير جدا اذا كنتي من الناس اللي كل يوم بتحطي ماسكارا 
بسرعة رح يخلص و المشكلة ما في منه حجم اكبر + بتحسي وجهك مزيت او مدهن شوي بعد استعماله المشكلة اللي ممكن تزعج بعد البنات عن نفسي عادي الموضوع لانه اساسا استخدم دائما المنظف بعده و بشطف وجهي بالماء و بهالطريقة بقايا الزيت بتروح 

ما رح ارجع اشتريه الا اذا صار في منه حجم اكبر اذا لا حابة نجرب شيء ثاني  

مهدئ البشرة من ايف روشيه لجميع انواع البشرات


اول شهر شهرين حبيته حسيت بشرتي مرتاحة و هادية و كل شيء بس بعدين بطلت احبه مش لانه سيئ
 لكن ما عاد يفيدني بشيء 

لسه ما خلصته مثل ما واضح  بالصورة لكن بطلت استخدمه من فترة لانه ما اضافلي شيء يعني صحيح ما ضرني لكن كمان ما نفعني + تاريخ صلاحيته انتهى بمعنى لازم اتخلص منه بكل الحالات و ما رح ارجع اشتريه 


معلومة 

قوامه جل + بالنسبة لي رغم ان وظيفته تهدئة البشرة فقط مش ترطيبها لكني حسيته 
مناسب للبشرات العادية و المختلطة و الدهنية فقط 
لما استعملته على بشرتي الجافة مؤخرا امتصته بشرتي بسرعة و بزيادة الى ان جفت اكثر 

تونر لوريال تريبل اكتيف للبشرات العادية و المختلطة 

منعش + مكونه الاساسي  الخيار + بيشيل بقايا المكياج بطريقة حلوة + حلو للبشرات المختلطة اكثر لانه لما بشرتي كانت عادية مضبوط كنت كنحس بانتعاش و كان كيشد بشرتي لكن للاسف كان يجففها بزاف اساسا التونرز كلها بتجفف البشرة لكن هذا كان يجففهالي بزيادة 
و لانه احدى خصائصه موازنة البشرة و امتصاص دهونها و لان نسبة الكحول فيه عالية ادى هالشيء لجفاف بشرتي العادية 
المفروض كان لازم يكتبوا للبشرات المختلطة و الدهنية 
ما رح ارجع اشتريه 




مقشر كلين اند كلير مورنينغ انيرجي 

الكل تقريبا بيحبه جميل جدا هذا المقشر + مناسب للاستعمال الصباحي + مزود بالفيتامين سي اللي تحتاجه اي بشرة + حجمه و سعره حلوين + بيصحص البشرة و بيعطيها انتعاش قوي 
مناسب للبشرات الدهنية و المختلطة و حتى العادية و اللي لاحظته رغم ان بشرتي حاليا جافة الا انه ما ضرني لما استخدمته 
لكن استخدامي له قل زمان كان من مرة الى مرتين بالاسبوع و حاليا مرة كل اسبوعين ثلاثة اكثر من هيك ما كنقدرشي و الا رح يضر بشرتي 
رح ارجع اشتريه رغم انه في مقشرات احلى منه و مناسبتني حاليا و رغم اني ما بستخدمه غير مرة كل اسبوعين ثلاثة 
لكن وجوده مهم و رح ينفعني كتير بالفترات الصباحية    




مناديل غارنييه المزيلة للمكياج 

UVA مكونة من الافوكادو + 25 منديل + مناسبة للبشرات العادية + مزود بال 
ما بيشيل المكياج الصراحة عادي جدا ينفع تستخدميه كمسحة اخيرة بعد ازالة مكياجك فقط لا غير 
 ما رح ارجع اشتريه 





منظف سيتافيل للبشرات الجافة و الحساسة 

سبق و تكلمت عنه كمان هنا
منظف جميل لكن تنظيفه ماشي عميق جربت كتير احسن منه الصراحة 
ما حسيته مناسب للبشرات الجافة الصراحة لانه عبارة عن سائل خفيف جدا و البشرات الجافة تحتاج للقوام الكريمي الحليبي
لانها بتكون الطف و جنتل انما حتما بيناسب البشرات الحساسة جدا ممكن تفتحي عيونك حتى و انتي بتنظفي بشرتك بدون ما تحسي باي حرقان او احمرار 
ما رح ارجع اشتريه  ترطيبه و تنظيفه غير كافية لي  

ماء الورد من قلاع مكونة 


ماء ورد حقيقي و اصلي + بدون كحول + مناسب لعدة استعمالات بما انه لا يتوفر على الكحول 
ينفع تستخدميه كتونر شو ما كانت طبيعة بشرتك 
و دايما انصحكم باقتناء ماء الورد اللي ييجي داخل زجاجة و تجنبي اللي بيجي داخل علبة بلاستيكية لانه البلاستيك يعني ضرر يعني جراثيم بتتكون بتنقليها لبشرتك مباشرة و هذا طبعا غلط
احفظيه داخل ثلاجة او حطيه بمكان معتدل كالحمام لحتى ما يتعكر و يخرب 
طبعا رح ارجع اشتريه  







منتجات الشعر 

شامبو لوريال بزيت الارجنين لمعالجة تساقط الشعر 


اسوء شامبو جربته لا عالجلي شيء و لا ناسب طبيعة شعري 
قوامه حليب سائل ثقيل ابيض و هذا النوع بيناسب اللي شعرهم جاف عكس شعري العادي و الدهني من الفروة 
يعني يومين لازم نرجع نغسل شعري و هذا اكبر غلط لانه الشعر بهالطريقة بينضر و بيتعب و بيصير يتساقط اكثر مع اني اكيدة ان معظم الاشخاص مفكرين انه كثرة غسيل الشعر تعني نظافة و جمال و مدري شو
 غلط الفكرة يا صديقاتي الشعر لازم ينغسل مرتين بالاسبوع فقط 
و هالشامبو ما كان يساعدني على هذا الشيء للاسف هذا غير انه لا عالج شعري من التساقط كما وعدنا و لا اي شيء مع اني داومت عليه الى ان خلصته 
لكن للاسف ما شفت اي نتيجة مع هذا المنتج و المنتجات اللي بتعالج تساقط الشعر عموما للان ما شفت شيء منها صراحة
الله يخليلنا زيوتنا الطبيعية و الماء و الماكولات الصحية الغنية بالفيتامينات هذا الحل الوحيد لمحاربة هذا المشكل غير هيك ما في اي منتج ممكن يسحرك بنتيجته هي فقط وسائل مساعدة صدقيني و مع هذا باقي ما لقيت و لا اي منتج نافع 
ما رح ارجع اشتريه 







بلسم بانتين للشعر العادي 

ما رح نتكلم عنه بزاف ما بيستاهل خخخ 
ما فادني و ما ناسبني و ما اضاف لشعري ولا اي شيء عادي و اقل من عادي 
ما رح ارجع اشتريه 










منتجات الجسم 

مزيل عرق دوف على شكل كريم 


مع اني ما كنبغيشي نستعمل مزيلات العرق لانها بتسمر مع الوقت و كنفضل عليها شيء طبيعي مجهز بالبيت لكن هذا المنتج افادني وقت اللي بكون فيه مستعجلة او مالي خلق اجهز مزيلي الطبيعي خصوصا ان ريحته رائحة صابون خالص و نظيف ما فيه اي مكون بيسمر او بيغمق اللون
رح ارجع اشتريه لانه بينفع كتير كمزيل سريع و ريحته نظيفة و مش مكون من اي مادة تغمق لون الابط  





شاور جل مرطب من دوف برائحة الرمان 

مثل اسمه تماما ريحته جميلة و بتمسك بالجسم و ترطيبه عميق 
رح ارجع اشتريه لكن حابة نغير نكهة الرمان اللي ما بتناسب الاجواء الشتوية الباردة الى نكهة العسل او جوز الهند او المسك الابيض او اي رائحة اخرى تناسب هالاجواء 

اخيرا سائل منظف اليدين من الطاووس 


اللي كيعرف صابون الطاووس الطبيعي اكيد غادي يعرف هذه الشركة 
منظف اليدين جد رائع اهم مكوناته حليب اللوز الغني عن التعريف و المعروف بترطيبه العميق و رائحته النظيفة الخفيفة 
في منه عدة نكهات لكني كنفضل حليب اللوز
 استعمله حتى في تنظيف فرش مكياجي جدا رائع بينظفها بطريقة سريعة و عميقة و بيحافظ على نعومة الشعيرات 
رح ارجع اشتريه اكيد 






ان شاء الله تكونوا حبيتوا البوست 
شكرا على متابعتكم و تشجيعكم الدائم لي 
و شكرا على حبكم و كلماتكم اللي كتسعدني بزاف 




للتواصل و للاستفسار و للسؤال عن اي شيء 

Twitter | Ask | Email














❤️ دمتن في رعاية الله ❤️