بونسوار صبايا كيف الحال؟
اليوم موضوعنا حيكون ريفيو عن روج ايف سان لوران و هو اول روج الي من هالماركة الرائعة ولا مرة خطر على بالي جيب شغلة من هالماركة لانه اسعارها مبالغ فيها فدائما ما بتعب حالي بالدخول لمحلاتهم طالما مش قد اسعارهم و كمان لاني ضعيفة قدام اي شيء حلو فبخاف يعجبني شيء و ما اقدر اشتريه خخخ
فكان عندي فراغ من يومين قلت يلا ما رح اخسر شيء خليني شوف شو في جوا و رح امسك نفسي اذا عجبني شيء خخخ جربت كذا شغلة و الصراحة الاشياء اللي جربتها ما كتير مثيرة للاهتمام يعني مجرد منظر انيق ذهبي يجذب الانظار و اسعار مبالغ فيها بتجذب بعض الناس اللي بيفكروا بطريقة سلبية و خاطئة " و هي قد ما كان السعر غالي المنتج خيال"
طبعا ما بقصد الماركة كلها لانه اكيد ما جربت كل شيء لحتى احكم
الشغلات الوحيدة اللي حبيتها كتير بعد ما جربتها "الارواج و الكونسيلر" و سمعت مدح على الاي لاينر و الماسكارا
مع ان ايف سان لوران و غيرها من الماركات الغالية اسعارها مبالغ فيها و غالية مش دايما لجودة المنتج ابدا
اكيد كلنا تقريبا اشترينا منتجات غالية و لما عملنا مقارنة بينها و بين منتجات اخرى من الدرج ستور ما لقينا اختلاف كبير او بيطلع اللي من الدرج ستور احلى و يكمن سر الاسعار الغالية و الخيالية في :
تصميم شكل المنتج و تغليفه
الاوجه الاعلانية "فنانات او عارضات ازياء بيعملوا ترويج للماركة"
كثرة الاعلانات بالتي في و صور عالنت و بوسترز بالشارع
كل هالاشياء بتخلي السعر يعلى لانهم بيصرفوا كتير ليروجوا منتجاتهم فهالسعر اللي بعض الناس مبهورين فيه لدرجة انهم مفكرين انه الماركات الغالية ما الها زي مش لانه المنتج جودته كبيرة و عالية و لكن لانه بيتصرف عليه كتير في حين مثلا بعض الماركات الرخيصة مثل الف جودتها عالية و رائعة و رخيصة جدا لانه الماركة ما عندها اوجه اعلانية و لا بتروج منتجاتها و التغليف عبارة عن بلاستيك طبعا كلامي مجرد معلومة بحاول اوصلها لكم مش القصد اني بدافع عن ماركة و ماركة لا و انه ايف سان لوران منتجاتها فاشلة ....
اكيد كلنا تقريبا اشترينا منتجات غالية و لما عملنا مقارنة بينها و بين منتجات اخرى من الدرج ستور ما لقينا اختلاف كبير او بيطلع اللي من الدرج ستور احلى و يكمن سر الاسعار الغالية و الخيالية في :
الاوجه الاعلانية "فنانات او عارضات ازياء بيعملوا ترويج للماركة"
كثرة الاعلانات بالتي في و صور عالنت و بوسترز بالشارع
كل هالاشياء بتخلي السعر يعلى لانهم بيصرفوا كتير ليروجوا منتجاتهم فهالسعر اللي بعض الناس مبهورين فيه لدرجة انهم مفكرين انه الماركات الغالية ما الها زي مش لانه المنتج جودته كبيرة و عالية و لكن لانه بيتصرف عليه كتير في حين مثلا بعض الماركات الرخيصة مثل الف جودتها عالية و رائعة و رخيصة جدا لانه الماركة ما عندها اوجه اعلانية و لا بتروج منتجاتها و التغليف عبارة عن بلاستيك طبعا كلامي مجرد معلومة بحاول اوصلها لكم مش القصد اني بدافع عن ماركة و ماركة لا و انه ايف سان لوران منتجاتها فاشلة ....
يومها كان باقي 3 درجات فقط
من Rouge Volupté جربت الثلاثة بس اكثر لون حبيته هو Lingerie Pink #7
حبيته كتير كتير بطريقة مو معقولة و طبعا ما قدرت امسك حالي لانه لون روعة و ما جربت كتير من قبل الوان باهتة على النيود فكان شيء جديد بالنسبة لي
لونه و شكله شيك و ملمسه جدا حريري و ناعم و ريحته روعة و ثابت جدا لدرجة اني كتير طولت برا من محل للثاني و اكلت و رجعت عالبيت نسيت اني حطيت منه و بس طلعت عحالي بالمراية اتفاجات انه لسه على شفافي "بحكيلكم عن قصة حياتي معليش" خخخ
فبصراحة حسيته يستاهل هالضجة و حسيته لازم يكون من ضمن الكوليكشن تبعي
يعني صراحة ما عندي كتير كلام احكيه عن هالروج سوى انه بيجنن و كلمة روعة كتير قليلة عليه و اكيدة انه اي واحدة رح تشتريه رح تنبسط فيه كتير و رح تنسى موضوع السعر و يمكن ما حيهمها اساسا بعد ما تشوف اساس هالروج و تشوف ايجابياته المتعددة اللي بذكر منها :
- اللون اللي بيطلع عالشفايف احلى بكتير و اوضح
- درجة لونه عبارة عن Nude Pink و انا شخصيا بعشق هالدرجات خصوصا مع السموكي ايز بيطلع اللوك روعة انما اللون بالصورة طالع بينك خفيف انما هو بينك شاحب على نيود
- حريري و ناعم الملمس يعني بفتكر هيدا اول روج جربته ملمسه هالقد حريري و ناعم
- الدرجة مناسبة اكثر شيء للحنطيات و صاحبات البشرة الغامقة او الدافئة يعني انا لانه بيضاء كتير و الاندر تون تبعي وردي حلو اللون بس بضطر امزج بينه و بين لون اخر اغمق منه اذا حطيته لحاله بيطلع شكلي غلط
No comments:
Post a Comment