Weekly Best & Worst #1

بونسوار صبايا كيف الحال ؟

قبل ما افوت بالموضوع رح احكيلكم شوي عن الفكرة اللي ما تختلف كتير عن المفضلات الشهرية لكن انا حبيت خليها اسبوعية 

ليش؟ لانه في اشهر بجرب فيها كتير اشياء فما ينفع احكي عن 15 منتج بالتفصيل ببوست واحد و انتوا بتعرفوا اني بطول بالحكي كتير لاني بحب احكي بالتفاصيل لحتى يكون شرحي واضح سو بوست واحد = 15 او 20 منتج = ريفيو عن كل منتج = سواتشز حيكون الموضوع اوفر و حيجيبلكم الملل و ما حتركزوا كتير من كثرة المنتجات فقررت كل اسبوع انزل 5 او 6 منتج من مختلف الاقسام يعني "العناية بالبشرة - بالشعر - بالجسم - مكياج - اظافر او اكسسوارات او كتاب او اي شيء حبيته و استخدمته كتير" 

و لحتى يكون الموضوع مفيد و متنوع اكثر رح اضيف منتجات ما حبيتها لحتى ما يكون الموضوع كله ياي هذا حلو ياي لازم تجربوه لا كمان دوري احذركم من شراء بعض المنتجات اللي ما نفعتني و ما حبيتها و احكيلكم عن تجربتي معها 

 Make-up 

: L'oréal Infallible 24H Foundation

طرحت لوريال مجموعة من المنتجات الجديدة خلال هالشهرين و كان من ضمنهم هالاساس :

- علبته زجاجية 

- 30 مل 

- مزود بعامل الوقاية SPF 18

المنتج بيوعد ب :

 الترطيب 

عدم تغير اللون "لانه في اساسات بيتغير لونها تحت الشمس او اذا ضليتي حاطتيها لكام ساعة"  

تغطية كل العيوب 

بيخفف لمعان البشرة

بيقضي على جفاف البشرة

"اي بيوازن"

الشيء اللي يعني انه مناسب لجميع انواع البشرة 

اللون اللي اخذته : 015 Porcelain

تعالوا نشوف تجربتي معه و رايي فيه بعد ما استخدمته 5 مرات 

اول شيء اول ما شفت درجتي اللي هي "بورسلين" طار عقلي "و اخيرا لقيت درجتي باساس الدرجستور"

فهاي اول نقطة ايجابية 

جربته كذا مرة = قوامه ثقيل = فعلا تغطيته عالية = وحدلي لون بشرتي = رائع بكل امانة 

بس حسيته مناسب للبشرات العادية و الجافة اكثر شيء "اللي انا منهم"

لما جربته على قريبتي اللي بشرتها دهنية طلع سيء سيء سيء جدا فما بنصح فيه صاحبات البشرة الدهنية او المختلطة و بنصح فيه بشدة صاحبات البشرة العادية و اللي بشرتها جافة تحط قبله برايمر مرطب بس و حيطلع رائع عليها 

 لونه فعلا ما تغير معي ضل مثل ما هو بعد ما حطيته ب 5 ساعات 
كمان ثابت جدا برغم الحرارة و برغم اني لما جربته تعمدت ما احط الباودر ما ساح و ضل تماما مثل ما حطيته 
سهل التوزيع و الدمج بس ملاحظة اذا ما دمجتيه منيح حيبين ثقيل عليكي يعني يحتاج للدمج كتير كتير منيح 

يعني انا اول ما جربته حسيته ثقيل لما دمجته طلع خفيف على بشرتي و نهايته طبيعية مع تغطية عالية 
ما في احلى من هيك يعني *-*

مناسب للناس اللي بتحب يطلع شكلها خفيف و طبيعي
مناسب للناس اللي عيوبها واضحة 

ما رح اقول انه مناسب للاستعمال اليومي لاني شخصيا اكره الفاونديشنز بايامي العادية بس اذا مصرة و مضطرة ايه مناسب للاستعمال اليومي خصوصا انه مزود بعامل الوقاية 


عيبه الوحيد الوانه محدودة يعني كتير ناس ممكن ما تلاقي لونها 

اجمالا حبيته كتير = ناسبني و ناسب بشرتي و وحدلي لوني و اعطاني نهاية طبيعية مع تغطية عالية

و اخييييييرا لقيت اساس من الدرجستور ناسبني من ناحية كل شيء لانه الدرجستور براندز مقصرة كتير مع اللي الاندرتون تبعيتهم وردية و شديدي البياض فدايما بلاقي صعوبة في ايجاد اساس مناسب لي و ان طلع اللون موجود و متوفر بيطلع مش مناسب بشرتي لاني ملاحظة انه الشركات مركزة اكثر شيء مع البشرات الدهنية و ناسيينا احنا 

سو باركولي *-* 

Bobbi Brown Eye Shadow 59 Flint 

اول شيء بوبي براون عندها 4 اقسام في ما يخص الشادوهات
الكريمية شكلها دائري و الباقي شكلها مربع بتشبه اللي بالصورة تماما 
قسم شادوهات مات اي مطفية و الثانية بلمعة و الثالثة ميتاليك بس الشادوهات المطفية مش مكتوب بظهر المنتج "مات" لا مكتوب بس Eye Shadow "مجرد ملاحظة يعني"



اللي بالصورة من الشادوهات المات درجته  59
لونه رمادي على بني يعني اذا شفتيه حتحسي انه بني بس هو مزيج بين الرمادي و نتفة بني 
ممكن تحطيه كبيز و ممكن تعملي فيه لوك مطفي كامل او السموكي الناعم 
ثباته حلو جدا اتخدمته بلا برايمر ما طلع خطوط ولا خف لونه ولا اختفى 
رح ارجع اكيد جيب منه الوان اخرى   









 Max Factor Colour Elixir Lip Gloss = 35 Lovely Candy 

جلوص من الكوليكشن الجديدة اعتقد ليميتيد اديشن اغلب الدرجات نيود سواء البيور نيود او البينك نيود
 و باقي الدرجات بين الفوشيا و الاحمر  
هاللون مثل ما هو واضح نيود بينك يعني لحمي ممزوج مع البينك الناعم 
قوامه سائل 
تغليفه شيك عجبني 
فيه لمعة خفيفة مش واضحة كتير
ريحته سويت بتشبه الكانديز 

لونه كتير كتير كتير رائع و عالشفاف بيطلع احلى 
اجمالا انا ما بحب الجلوصات لحالها لانها بتطلع خطوط بحب دايما استعمل رج او محدد الشفاه الون فيه شفايفي كلها يعني بستعمله كروج و بعدين احطها فوق كاضافة ناعمة اذا حبيت احصل على شفايف ممتلئة
بس هاللون حتى لما استعملته لحاله عجبني ما طلعلي خطوط يمكن لانه لونه فاتح بعكس الاحمر اللي اخذته قريبتي كتير سيئ ينفع فقط فوق الروج او محدد الشفايف 
استخدمته الاسبوع اللي فات بعرس كان اللوك عبارة عن براون سموكي و حطيته على محدد الشفاه كتير طلع رائع

عيبه ثباته مش هالقد يعني اخره ساعتين ثلاث اذا ما اكلتي + بيلزق كتير يعني لو كنت طالعة فيه بالنهار و رياح و هواء كان حيكون منظر شعري مسخرة خخخ 

و ان كان مش احلى جلوص استخدمته بس بيضل حلو و لونه اكثر شيء عجبني 






 : Body Care 

: Dove Go Fresh Body Wash 

من اروع الشاور واشز اللي استخدمتها مع اني اخذته بطريقة عشوائية يعني يا تصيب يا تخيب 
و اخذت رائحة ابدا ما بتشبهني خخ 
يعني انا بشغلات الشاور دائما بفضل الشيا و جوز الهند و اوقات الفانيليا غير هيك لا بس هالمرة قلت يلا خليني اجرب شيء جديد و اخذت الشاور واش بريحة الرمان 
اكثر شغلتين حبيتها ثبات الريحة يعني بحط بس شوي بيقلب الحمام كله ريحة رمان 
طلعت من الحمام نشفت حالي و لبست بيجامتي و جيت انام بالليل اتفاجات بالرائحة اللي لسه معلقة بجسمي مضبوط مش كتير يعني ما بدي ابالغ بس فعلا ثباته معقول و الرائحة بتدوم ساعات 
الشيء الثاني الحلو ناعم على الجلد كتير و مزود بخاصية الترطيب اللي بتلاحظيها فور استخدامك له








: Sexiest Fantasies 

بخاخ معطر الجسم من ماركة Sexiest Fantasies مش معروفة كتير هالماركة بس شكلها اول شيء لفت نظري حلو و انيق و اسعارها جميلة جدا فتخيلتها ممكن تكون بديل ارخص حلو لفيكتوريا سيكرت
 اشتريت واحد بس ذو الحجم الصغير لحتى اذا ما عجبني ما اتورط فيه و اخلصه بسرعة
 ريحته بالمحل كانت ناعمة نوعا ما بس لما استعملتها مرتين و انا باخذ شاور قرفت من حالي ريحتها سويت زيادة عن اللزوم
 شميت الكوليكشن اللي عندي من ف.سيكرت ما لقيت ولا اي ريحة من عندي تشبهها احترت طب كيف بالمحل ريحتها شيء و لما استعملتها شيء تاني قلت ممكن لانه وقتها شميت كتير روايح و جربت من هون و من هون فتلخبطت 
و مثل ما شايفين العلبة لسه مثل ما هي استعملتها مرتين بس يعني في اشياء حتى لو مش عاجبتك بتضطري تخلصيها بس هاي مستحيل ما في مجال لك حتى بابا يوم ما حطيتها قبل ما يعرف بالقصة قالي شو هالريحة البشعة من وين جيبتيها بكام جبتيها ب 10 دراهم؟ اوكي بابا شكرا عالفضايح خخخخ 











 : Skin Care 





 Whiten & Moisten Dead-Skin Remover
من فيتشي 

المنتج بيوعد بازالة القشور و الخلايا الميتة من البشرة مع التبييض 
مناسب للوجه و لمناطق اخرى من الجسم 
قوامه جل

انا اخذته كرمال المنطقة الحساسة 
استعملته شهر و نصف ما شفت اي تفتيح ولا بيشيل الجلد الميت بالطريقة اللي كنت حابتها 
ريحته كتير سيئة و مزعجة جدا جدا جدا و لما استخدمته على وجهي تحسست بشرتي سو اكيد ما حبيته ما فادني بشيء سيء سيء سيء يعني الصراحة كنت ناطرة بس اصوره لحتى اكتب هالبوست و ارميه خخخ 











 : Hair 





Klorane Shampoo With Camomile 

ثاني شامبو بستعمله من كلوران هالشركة شخصيا بحبها كتير و برتاح لها 
ما رح احكي كتير شامبوهاتهم جميلة جدا خالية من السولفيت و من كل المواد اللي ممكن تؤذيلك شعرك 

بس دايما في شيء بيكون ناقص للاسف اول شامبو استعملته بالشوفان كنت حكيت عنه بطريقة مفصلة حلو و جففلي فروة شعري الدهنية بس لما استمريت في استعماله جففلي شعري كله سو فقد حيويته 

و هذا الشامبو نفس الشيء حلو بس ما كان مناسب لشعري 

اول شيء الشامبو خاص بالناس اللي لون شعرها فاتح سواء البني القريب من الاشقر اللي هو لون شعري او الاشقر بانواعه
سواء مصبوغ او طبيعي بس مش مكتوب مناسب لاي طبيعة شعر 

شغلته يحافظ على اللون الاشقر او الفاتح و يبينه غني و صحي و يفتح لونه مع الوقت  
لانه الصبغات و الهاي لايت بعد كام شهر اللون بيروح فهذا الشامبو بيساعد على ابقاء اللون و بيظهره باحلى حالاته كانك كل يوم بتصبغيه ان كان مصبوغ في حالتي انا اللي لون شعري طبيعي ما فتحلي لون شعري بس اول مرة احس انه لون شعري واضح و غني و هالشيء لاحظته بعد ما استخدمته 3 مرات 

بس للاسف نشفلي شعري كتير بعد امي جربته نشفلها شعرها اخي الصغير شعره اشقر كمان خليته يستعمله ما ضل غير بابا و اخي الثاني بس شعرهم اسود خخخ لو اشقر كنت جربته عليهم
الغريب في الامر قوامه و ملمسه كانه عسل لدرجة اني خفت و قلت خلاص رحت فيها حيدهن لي شعري بس طلع العكس

ما رح اقول عنه سيء لانه الشيء اللي وعدنا فيه المنتج لقيته بس ما ناسب طبيعة شعري العادي  














بعرف اني حكيت كتير فاسفة اذا طولت و اسفة على الكواليتي السيئة تبعيت الصور 
ان شاء الله حبيتوا الموضوع و استفدتوا شوي 
الاسبوع الجاي رح نحكي عن منتجات اخرى متنوعة 








دمتن في رعاية الله :)